1. 爆房年資？
1. 爆房年資？2.平均每月去幾多次？每月花喺爆房幾多錢？有無咩特定日子會去爆房?
3. 分享最難爆嘅一次房？
4.對香港嘅時鐘酒店有咩品評？有無例子？
5.對你和你嘅partner嚟講，時鐘酒店有咩特別？係一個點樣嘅性空間？
6. 你嘅性空間夠唔夠？點解？
7.你理想嘅時鐘酒店係點樣？盡情地幻想。
Aniko
女 22歲 學生
1. 五個月。
2.平均每月去5次爆房，通常兩個人Total$1900 左右，無咩特定日子去爆房，多數放假前夕，或者係紀念日。
3.應該都係星期五、六晚過夜，上星期六問咗兩三間都full。
4.只試過一間MaNsion G Hotel，冇咩試其他好難評喎，不過大家都係缺個地方，其實簡簡單單舒服都夠，不過都有唔少人覺得咩多鏡呀圓形床係好有氣氛嘅。另外就係聽講出面啲阿叔阿姐對LGBT好唔friendly，我同女朋友都唔係好敢去試，主要係怕尷尬同見網上話排隊會聽到啲呻吟聲，同其他情侶排，諗到就覺得幾尷尬，所以覺得自助形式其實好應該要成為時鐘嘅新trend 囉！
5.覺得簡單舒服就夠，起碼有私隱度。
6.夠都唔洗去爆房，唔方便畀屋企知住嘛！試過對方嚟屋企瞓，第二朝屋企人入嚟，佢匿埋咗個幾鐘，從此都係喺出面過夜算。
7.一定係自助形式咁入去！如果有sex toy 販賣機喺lobby 都唔錯；入到去有細蠟燭，燈光可以校好暗嘅昏黃，可以電視有得睇netflix；房有張紙係關於附近外賣餐廳嘅營業時間同推薦程度；由checkin 到checkout 都唔使見到一個人咁就最好。
C&R
男 24歲 飲食業
1.半年左右。
2.每個月大約四次，＄$2000-$3000，冇特定日子去爆房。
3. 行咗好幾間先至有一間合適， 去到仲要排隊等爆房。
4. 香港普遍嘅時鐘酒店大部份大致上都ok。
5.因為大家都冇一個適合嘅性空間，所以又要去時鐘酒店。
6.性空間當然唔夠啦， 因為屋企成日都有人喺度 。
7.我理想嘅時鐘酒店就係唔使點樣豪華嘅裝修，只需要一張好舒服嘅大床，基本嘅傢俬，最好當然有按摩嘅浴缸，咁就足夠！如果時鐘酒店十八區都有一間就最好，好似7仔咁，總有一間喺你附近。
小熊維尼
M&F 20-30歲 飲食業
1.1年。
2.每月去3次，around $1000，冇特別日子，通常閒日。
3.無熱水沖涼，無得搞。
4.如果本身房間少，會比較乾淨同平，房多會比較污穢，有異味同貴，例如維多利亞，金莎。
5.無人打擾，二人世界，點玩點叫都得。
6.唔夠，經常無房。
7.沖涼位夠大同有浴缸for 2人，有鏡可以睇住張床。
Kit Yeung
男 23歲 officer
1.7年。
2.每兩個月一次，$350左右，周末比較多。
3.同條女去一間好霉嘅時鐘，諗住廁所應該會好啲啦。點知條女沖完涼，扑扑下嘢成地濕曬。原來個企缸去水位已經塞滿頭髮，仲要倒灌啲水出嚟，勁撚臭。
4.無乜，來來去去都係去一兩間。
5. 如果周末去開房，感覺似去個小旅行，一齊出去一齊返屋企。如果係one night stand，爆完就算。
6.都算夠嘅，只要有獨立房。
7.無乜諗過，有張床扑嘢就得。
Lily
女 21歲 學生
1.幾個月。唔regular㗎，兩個月一次啩，你預2個人share百幾蚊一次，無特定，約就係㗎喇。
2.咩叫最難爆⋯⋯⋯
3.位置好up dup好似好唔見得光咁，雖然入面無咩問題。
4.對我嚟講係可以暫時唔諗其他嘢嘅地方。
5.唔夠！屋企唔用得！爆房又要畀錢。
6.要勁乾淨！其實咁就夠，可能燈可以有唔同顏色，我鍾意暖色嘅燈。
JIMMY仔
男 24歲 半工讀
1.1年左右。
2. 無固定爆房，即興多，出出吓街唔想返屋企就去爆房，每次$200-$250。無咩特別日子去爆房。
3. WALK IN試過去旺角百佳，超多人排隊，去到上去已經有五、六對係上面等緊，等咗差唔多半個鐘，印象好深刻，嗰日係星期六夜晚10點、11點都仲要等，估唔到香港時鐘酒店咁多都要等，需求真係好大。
4. 香港搵時鐘酒店最困難嘅地方係你行經一間酒店，你唔知道佢究竟有無時鐘服務，好多時候要上網搵資料，或者搵啲APP先知道，但酒店種類好少，而好多爆房網站都OUT晒 DATE，想幫襯都好難，大家唔知道有其他選擇，嚟嚟去去揀得一兩間。
5.我覺得時鐘酒店係一個抒壓嘅地方，每個人都有性需要，奈何香港無空間可以提供，同屋企人住，又未有能力搬出，同伴侶好難夾到時間同地點，時鐘酒店就提供咗第三個空間比年輕人。
6.唔足夠，無私人空間同愛人做鍾意做嘅嘢，係香港好多人都要面對嘅問題。
7.私隱度要高，因為聽過好多人唔敢去時鐘酒店因為怕尷尬，行入去，大家都知道你想點。希望時鐘酒店的私隱度高啲，行入去自在啲。喺鬧市嘅時鐘酒店唔太感覺到夠私隱度。
「日光日白去旺角維記真係有啲驚撞到熟人。我倆以光速前行，前後腳衝入維記。進房後，由於，之前一輪熱身運動，如緩步跑、急步行、天然焗桑拿等，加上慾火焚身及佢趕住返工。佢心理同生理都帶著『急』字。最後草草完事，9秒9 走了。」
「某夜凌晨約了一個cc出來『開心』。由九龍塘一直殺到去太子、旺角、油麻地、佐敦、尖沙咀等。全『滿』！ 佢腎上腺素急升了好一陣子，我決定豪一次！去到『美麗華酒店』walk in 白撞。 怎料， 美麗華開天殺價！$5xxx/晚！完全不合理及over budget，但男人下面諗嘢時，往往作出不理性行為。那天，我完全豁出去，和該cc 狂歡，間中豪一下，I love the idiom： 『 the money is not yours if you don't use it.』 。」
「那夜凌晨，我同佢在旺角街頭撲房，家家戶戶（時鐘）按鐘，已沒顏面可言。真係一房難求！報紙講得沒錯！香港人連扑嘢的私人空間都不足夠，飽暖思淫慾，怪不得咁多青少年去佔中喇！最後，我倆走到旺角『摩登賓館』，不要以為真的很摩登或具有劃時代感覺。摩登是假的，我覺得是地獄，入面比張柏芝有份演出的《旺角黑夜》還恐怖。房間真的很狹窄，真係肥少少都入唔到。而且用『腦癌電視機』，加上舊式床單，真的嚇死人，收您$80/小時，真係感歎『一分錢一分貨』。」
「九龍塘每間酒店與酒店之間相距甚遠。當你喺九龍塘同炮友會面後，你會有個dilemma! 上的士或不上！To be or not to be！真係上又唔係，唔上又唔係。兩條友搭11 號巴士（用兩隻腳行）真的不容易。」
